Ecja në dimër ofron një mundësi të veçantë për të shijuar ajrin e pastër, peizazhet e mbuluara me borë dhe qetësinë e natyrës. Shtigjet e njohura shndërrohen në vende magjike, duke zbuluar një anë krejtësisht ndryshe të natyrës.

Megjithatë, kjo përvojë mahnitëse kërkon përgatitje të mirë, pasi ecja dimërore është sfiduese. Për t'u përgatitur siç duhet, ndiqni këtë listë:

Veshje dhe Pajisje

1.Veshje termike: Bluzë dhe pantallona të ngrohta që mbajnë trupin të thatë.

2.Xhup i papërshkueshëm nga era dhe uji: Për t'u mbrojtur nga era dhe lagështia.

3.Pallto dimri: E rëndë dhe e izoluar mirë.

4.Doreza të ngrohta: Idealja do të ishin ato të papërshkueshme nga uji.

5.Kapele dhe shall: Për të mbajtur ngrohtë kokën dhe qafën.

6.Çorape të trasha: Merr një palë rezervë nëse do të qëndrosh gjatë.

7.Këpucë ose çizme për ngjitje në borë: Me tabanë të fortë dhe rezistente ndaj rrëshqitjes.

?Pajisje praktike

1.Shkopinj trekking-u: Për stabilitet në terrene të rrëshqitshme.

2.Çantë shpine e vogël: Për të mbajtur sendet e nevojshme.

3.Termus me pije të ngrohta: Si çaj apo kafe.

4.Ujë: Edhe pse është dimër, hidratimi është i rëndësishëm.

5.Ushqime energjike: Si fruta të thata, çokollatë apo bare energjie.

6.Bateri rezervë për telefonin ose pajisje GPS: Ftohti e zbraz më shpejt baterinë.

7.Batanije termike ose mbulesë emergjence: Në raste të paparashikuara.

8.Fener ose llambë koke: Nëse errësohet shpejt.

Siguria

1.Harta dhe busull: Në rast se nuk ke sinjal GPS.

2.Çantë e ndihmës së parë: Për të trajtuar ndonjë dëmtim të vogël.

3.Krem kundër diellit dhe syze dielli: Bora reflekton dritën dhe mund të shkaktojë djegie ose verbim.

4.Radio ose sinjalizues emergjence: Nëse është një zonë më e largët.